BMW XM Label Soundmachine: Mobil DJ platformuna çevrilən lüks avtomobil

BMW, lüks XM modelini mobil DJ platformuna çevirərək fərqli bir konsept təqdim etdi. Avtomobilin təkər arxalarına quraşdırılmış duman maşınları, 64 kvadrat futdan (6 kvadrat metr) böyük ikitərəfli LED ekran və sabit-hərəkətli səhnə işıqları avtomobilin diqqət çəkən xüsusiyyətləri arasında yer alır.

Dingolfing zavodunun təcrübəli mütəxəssisləri tərəfindən hazırlanan bu unikal model, xrom örtüklə və "The Ultimate Sound Machine" yazıları ilə fərqlənir. Avtomobilin üstündə yerləşən platformada DJ-lər çıxış edə bilər. Həmçinin, avtomobilin dörd struktur dayaq sütunu, örtük və ikitərəfli LED ekranı dəstəkləyir.

Səs sistemi üçün dBTechnologies şirkətinin dörd dinamiki və dörd subwooferi quraşdırılıb. Səs sistemi, Pioneer DJ qurğuları ilə təchiz olunub: DJM V10 mikseri və iki CDJ 3000X pleyeri. Təkər arxalarına quraşdırılmış duman maşınları isə xüsusi effektlər yaratmaq üçün nəzərdə tutulub.

Texniki xüsusiyyətlər: BMW XM Label Soundmachine, 738 at gücündə hibrid mühərrikə malikdir. Bu mühərrik, ikili turbo 4.4 litrlik V8 mühərrik, 19.2 kVt/saatlıq batareya paketi və səkkiz pilləli avtomatik transmissiyaya inteqrasiya olunmuş elektrik mühərrikindən ibarətdir. Avtomobilin ümumi çəkisi isə təxminən 6,173 funt (2,800 kq) təşkil edir.

BMW-nin məlumatına görə, avtomobilin TÜV tərəfindən təsdiqlənmiş maksimum sürəti saatda 9.3 mil (15 km/saat) təşkil edir. Bununla yanaşı, böyük batareya paketi sayəsində səs sistemi, ekran və işıqlar xarici enerji mənbəyinə ehtiyac olmadan 1 saat müddətinə işlədilə bilir.

XM Label Soundmachine, keçən ay Avstriyanın Sölden şəhərində keçirilən Electric Mountain Festival-də debüt etdi. Daha sonra isə Almaniyanın Nürburq şəhərində təşkil olunan 24 saatlıq Nürburq yarışında və bu yay Fransaın Le Mans şəhərində keçiriləcək 24 saatlıq Le Mans yarışında nümayiş olunacaq.