Dua Lipa $15 milyonluq məhkəmə iddiası ilə Samsung-a qarşı çıxdı

Böyük Britaniyanın məşhur müğənnisi Dua Lipa, Samsung Electronics şirkətinə qarşı $15 milyonluq məhkəmə iddiası ilə çıxış etdi. Səbəb isə Cənubi Koreyanın aparıcı elektronika şirkətinin onun müəllif hüquqlarına məxsus şəkildən icazəsiz istifadə etməsi ilə bağlıdır.

Məhkəmə sənədləri Cənubi Kaliforniya üzrə ABŞ Federal Məhkəməsinə təqdim edilib. İddianaməyə görə, Samsung 2024-cü ildə keçirilən Austin City Limits musiqi festivalında çəkilmiş şəkildən istifadə edərək, televizorlarının karton qutusunda istifadə edib. Lipa isə bu şəkildən istifadə edilməsinə qarşı çıxıb və şirkətdən bunu dayandırmasını tələb edib.

Lipa və onun komandası şəkildən istifadə edilməsinə 2025-ci ilin iyununda xəbərdar olub. Buna baxmayaraq, Samsung şirkəti bu tələbə laqeyd yanaşıb və rədd cavabı verib. İddianamədə qeyd olunur ki, "Cənab Lipanın şəklindən onun razılığı, ödəniş və ya hər hansı digər iştirak olmadan kütləvi reklam kampaniyasında istifadə olunub."

Məşhur müğənni həm də şəklindən istifadə edilməsinin onun imicinə zərər vurduğunu bildirib. Lipa reklam tərəfdaşlarını çox seçici seçməsi ilə tanınır. Onun tərəfdaşları arasında Apple, Porsche, Versace, Bulgari və Nespresso da var.

İddianamədə həmçinin qeyd olunur ki, şəkildən istifadə müştəri seçimlərinə təsir edə bilər. Məsələn, istifadəçilərin sosial mediada paylaşdıqları mesajlarda qeyd edilib ki, "Mən həmin televizoru alacağam, çünki Dua orada çəkilib. Mən necə də fanam."

Məhkəmə iddiasının ictimaiyyətə məlum olmasından sonra istifadəçilər sosial mediada bu mövzuya reaksiya veriblər. "Dua Lipa bu haqqı almalıdır", "Mən 2019-cu ildə Samsung televizorunu ancaq Dua Lipanın şəklini gördüyüm üçün aldım. Televizorun keyfiyyəti, qiyməti və xüsusiyyətləri ilə heç bir əlaqəsi yox idi" — istifadəçilərdən biri qeyd edib.